阿Sa受老公感染重拾球拍自嘲「唔同Grade」 陳家樂囡囡萬聖節被青蛙嚇到唔敢落地 楊天宇遭踢爆有「王子病」
發佈時間：15:45 2026-11-01 HKT
蔡卓妍(阿Sa)、陳家樂和楊天宇今日（11月1日）出席活動，擔任開球禮嘉賓。儀式前阿Sa細心教陳家樂開球姿勢，認真細心！阿Sa、陳家樂和楊天宇三人接受訪問，談及網球運動，阿Sa自言已有十多幾年經驗，但最近兩三年才重新拾起興趣，原來是因為老公的關係。陳家樂分享湊女日常，萬聖節帶寶貝女感受氣氛，女兒卻被人型青蛙嚇親！楊天宇表示兒時喜愛睇漫畫《網球王子》，但被陳家樂爆有「王子病」。
蔡卓妍認追不上老公進度
阿Sa笑說自己打網球打了十幾年，但一直「打得好散」，且一年可能只打幾次，直到近一兩年才認真重新拿起球拍。記者再追問原因，她才透露其實老公經常打網球，說：「我老公其實打咗兩年多，但係因為佢成日打，加上佢又有運動細胞啦，我呢方面就弱少少。」她坦言追不上老公的進度，有時甚至由老公充當教練，笑言：「我已經冇分贏輸㗎啦，係真係純粹唔同grade。」
陳家樂唔想囡囡著裙
「廿四孝爸爸」陳家樂則表示留意過女兒，坦言她對足球不感興趣，對用手的運動較興趣更大。他又分享湊女日常。萬聖節前夕，他帶女兒落街感受氣氛，女兒打扮成蝴蝶，開心得很，但卻被一個身高差不多的人型青蛙嚇親。因為對方想與她high five，但女兒當場嚇到喊，再也不敢落地行。他說：「一個好似佢咁高嘅人扮一隻青蛙，好多大啲嘅小朋友圍住隻青蛙，但係佢一見到就嚇到喊就唔敢落地行啦。」陳家樂形容女兒當時「從來冇落過地」，場面既可愛又狼狽。他透露，日前女兒在萬聖節中扮胡迪。言談之間，陳家樂對女兒成長有一點點抗拒，似乎不太想女兒着裙，也惹得一旁的阿Sa說：「黐線㗎，唔俾個女着裙。」陳家樂又即時改口，說：「我冇話唔俾，佢鍾意咪着囉。」
楊天宇喜愛《網球王子》
楊天宇表示萬聖節扮王子到灣仔海旁睇VIVA的表演。話音剛落，陳家樂即時爆料：「我都估到你會咁講！我想幫你講。因為人哋有公主病嗰啲，佢有王子病。」楊天宇被當場「起底」，只好澄清自己純粹想玩，說：「我嗰啲係中二病。」阿Sa亦一同爆料，指楊天宇剛才透露自己從小打網球，原來是因為喜愛漫畫《網球王子》。陳家樂再加料：「網球唔係重點，係因為『王子』先打網球！」楊天宇解釋說：「細個覺得打網球好型！」記者問：「主角成日識女仔？」他回答：「佢唔使識女仔，係女仔識佢。」真相大白！
