彭皓鋒直腸癌三期仍未康復 抗癌3年拒化療及做手術 惡性腫瘤奇蹟縮細 靠兩招自救？

在TVB劇集中經常飾演反派、有「御用惡人」之稱的56歲彭皓鋒，早前接受敖嘉年主持的健康節目《健康專家》訪問，談及自己的抗癌歷程。彭皓鋒在2023年確診患上直腸癌第3期，腫瘤一度大至8.8厘米。面對生死關頭，他曾面臨要切除肛門及終生掛造口袋的兩難抉擇。後來他竟然成功在不做化療及手術的情況下，令腫瘤奇蹟地縮細近7成！

彭皓鋒憶確診直腸癌3期反應

彭皓鋒憶述當初得知患癌時的畫面，表示由於有家族病史。他形容，當時醫生一發現腫瘤，就已經告知他情況相當嚴峻。彭皓鋒說：「一發現有腫瘤，個醫生已經話：『我們已經九成肯定你呢個係惡性，直腸癌三期。』我問：『我仲可以玩幾耐？』佢話：『照睇個進度就一年左右啦。』」

相關閱讀：獨家丨彭皓鋒暴跌44磅仍樂觀:冇嘢捱唔過 醫直腸癌耗盡積蓄借6位數保命

彭皓鋒拒切肛門保尊嚴

由於腫瘤的位置非常接近肛門，西醫當時建議進行手術切除腫瘤及肛門，但代價是餘生都必須依賴造口袋生活。這對於熱愛演戲的彭皓鋒來說，無疑是個極其痛苦的決定。彭皓鋒說：「因為我個腫瘤太接近肛門，個腫瘤位置，但如果我一做手術要切除的話呢，就必須要開一個造口，以後都係用嗰個造口。因為我個肛門就用唔得嘅啦直情係……我又想繼續拍戲，如果咩住個咁嘅嘢呢，我就覺得好唔方便，所以我無選擇做手術。」

彭皓鋒因母離世拒化療

除了手術，彭皓鋒亦拒絕了常規的化療，而這背後其實隱藏著一段沉重的家族陰影。他的母親以及另一位親人，當年都因為化療經歷了極大的痛苦，這讓他對化療產生了戒備。彭皓鋒說：「我點解唔做化療呢？就係因為我媽媽都有癌症，佢做完電療之後就話控制咗，隔咗幾個月之後又轉移咗去肺部。電療淨係可以做一次，之後就只能夠做化療。一做，隔咗無幾耐，身體受唔到。因為化療其實係打一啲藥物入去，令到你健康同唔健康嘅細胞都殺死，所以佢嘅抵抗力各樣都下降。除咗我媽媽之外，其實仲有一個親人人都係咁。其實我已經一早預料到我有呢啲事。我媽有癌症，我爸有心臟病，隨便中一樣啦。我預料到呢啲事，到真係發生嘅時候，你就不會咁辛苦。」

相關閱讀：「御用惡人」彭皓鋒抗癌有新進展 現身醫院一連5日接受電療 曾為保肛門拒做手術

彭皓鋒積極自救試中醫

拒絕了西醫的傳統治療方法後，彭皓鋒並沒有放棄生命，而是積極尋求中醫以及其他自然療法的幫助，希望透過調理身體來增強免疫力對抗癌細胞。彭皓鋒表示：「西醫得四個方法：化療、電療、手術、同埋標靶。我就直接走咗去睇中醫。中醫角度係幫你其他器官增強，然後去抵抗。三四個月之後我再去Check，佢無變化、無嚴重到。不過以前中藥係野生，而家好多係種植，有重金屬，不如我試試用其他坊間的方法，增強自己的免疫力、抵抗力。」

彭皓鋒嚴格戒口戒澱粉

在自救的過程中，彭皓鋒實行了極其嚴苛的飲食限制。他透露，在中西醫理論的夾縫中，他摸索出一套屬於自己的「抗癌禁食清單」，當中特別是戒糖和澱粉質。彭皓鋒說：「頭一年我戒得好犀利，戒到成個人瘦晒。基本上聽中醫同西醫兩邊講，中醫話唔食得嘅，西醫話食得；西醫話唔食得嘅，中醫又話食得。聽晒兩邊講就乜都唔使食。所以只能夠自己選擇。俗稱比較毒嘅嘢，蝦、蟹、鵝、鴨、雞肉唔食得，淨係食菜、魚同豬肉。豬都少食，因為有激素。澱粉質、碳水化合物唔食得，即係粥粉麵飯、麵包，所有有熱能（熱量）嘅嘢你都唔好食，糖分又唔好食。真係因為戒咗糖，所以令到血糖低咗，你係完全無力嘅。但糖分係俾個Cancer嘅營養，所以盡量少食。唔食係有幫助嘅，但對我體力嚟講係唔得。到我想做嘢（拍戲）嘅時候，我呢一兩年就要食返飯，食完我先有力，有氣有力我先開到工。」

相關閱讀：TVB御用惡人彭皓鋒患直腸癌近照曝光！積極醫治仍想開工 與藝人好友聚首做一事

彭皓鋒尋求中醫及自然療法幫助

拒絕了西醫的傳統手段後，彭皓鋒並沒有放棄生命，而是積極尋求中醫以及其他自然療法的幫助。他希望透過調理身體來增強免疫力，利用自身的抵抗力去壓制和對抗癌細胞。彭皓鋒說：「我直接走咗去睇中醫。中醫角度係幫你其他器官增強，然後去抵抗。三四個月之後我再去Check，佢無變化、無嚴重到。不過以前中藥係野生，而家好多係種植，有重金屬，不如我試試用其他坊間的方法，增強自己的免疫力、抵抗力。」

彭皓鋒嚴格戒口戒澱粉

在自救的過程中，彭皓鋒實行了極其嚴苛的飲食限制。他透露，在中西醫理論的夾縫中，他摸索出一套屬於自己的「抗癌禁食清單」，當中特別是戒糖和澱粉質。雖然這一度讓他瘦得不成人形、全身無力，但為了不給癌細胞提供營養，他依然咬緊牙關堅持。

相關閱讀：TVB「御用惡人」彭皓鋒驚爆患直腸癌 接受斷食治療法延後原訂11月手術

彭皓鋒腫瘤縮細但仍未康復

如今，彭皓鋒的腫瘤已奇蹟地由8.8厘米縮細至2.8厘米，足足縮細了近7成，彭皓鋒直言至今仍有不少親友擔心他，「身邊啲人真係擔心，成日見到我咁耐未好返……三年喎！仲未好返呀？咁我……都唔想，咁有咩辦法，我都想快啲康復，但真係唔敢用化療方法，因為真係傷身。」雖然抗癌路上充滿辛酸，但彭皓鋒認為保持心境開朗、活在當下，才是戰勝病魔的最強武器。