伍允龍鍾意演喜劇 自認愛講爛Gag
更新時間：03:00 2026-10-30 HKT
發佈時間：03:00 2026-10-30 HKT
發佈時間：03:00 2026-10-30 HKT
字體大小
伍允龍前晚出席有份演出的電影《我阿爹想旅行》慶功宴，對於該片港澳累積票房1200萬，他表示很開心，認為有好電影就會吸引觀眾入場，又爆跟導演黃綺琳在柏林電影節相識，當時自己正為電影《九龍城寨之圍城》宣傳，大家好投契而成為好友，其後黃綺琳找他演出今次角色，自己亦好鍾意演喜劇，以往曾為張家輝執導電影《低壓槽》演出，今次再合作都感受到對方的搞笑功力。
被問平時為人是否好搞笑，伍允龍笑言自己好叻𠱁到身邊朋友，因為好喜歡講爛Gag，有時爛到別人都不會笑，不過好友安志杰在他低潮時講過，若然他展現真實搞笑一面會增加演出機會，他說：「作為演員都想氣氛輕鬆，就算部戲好認真，都可以搞好個氣氛。」談到工作近況，他表示已完成幾部電影，另外自己公司的計劃亦洽談中，稍後會公布。
