星级大搜查丨娱圈多骗案苦主？何沛珈被呃手袋怕失礼唔「报东张」 郭柏妍自爆被骗感情
发布时间：11:00 2026-09-21 HKT
近年骗案手法层出不穷，原来不少圈中艺人都曾不慎中招！今集《星级大搜查》就来访问明星们的受骗经历！周吉佩与何沛珈都在网上遇到骗子，周吉佩自爆为修理装满珍贵相片的Hard Disk而在网上遇骗：「我冇谂过自己会真系……都『老猫烧须』真系。可能因为心急，我就冇理到，就问佢几钱整返，佢话大概几千蚊啦！即刻就过数俾佢，一路都冇人上嚟收……好明显系骗案啦……我亦为呢件事我报咗警嘅。」
何沛珈怕失礼受骗冇报东张
「东张女神」何沛珈亦曾因网上放售手袋而遇上支票党：「佢就俾平时嘅市价多一千蚊倒，唔算好多，所以我都觉得好似都几正常㖞。我出到嚟啦，我就睇返自己个银行嘅结余，哦，又真系收到多咗钱㖞。之后，我俾咗个袋佢啦！点知我第二日我再 check 我个银行嘅结余嘅时候呢，就发现冇咗𠮶笔钱。」原来对方用「空头支票」过数给何沛珈，因此即使未成功过数，网上银行亦会显示有这宗交易，但由于「弹票」，最终交易不成功。何沛珈说：「最后我要报警处理。就冇报东张嘅，因为都失礼嘅。」
相关阅读：星级大搜查丨群星消暑妙法大公开！MIRROR系最抗热男团？ 张继聪佛系散热：心静自然凉
郭柏妍网购隐形眼镜 卖家「消失」
此外，郭柏妍网购隐形眼镜付款后对方即删除帐号，她苦笑指：「佢消失咗，冇寄返啲货畀我啰。佢呃咗我等佢嘅感情。钱就……算啦，当买个教训啰。都几好嘅，系啰，难得啊，几可会畀人咁样呃。」
而王菀之则大呻曾遇工作「骗案」，接job后发现实际工作内容与合约不符，直言：「都几唔愉快嘅𠮶个经历。损失就系之后要处理好多法律上文件嘅一啲时间、金钱，同埋都会有啲客户之间嘅信誉呀咁样啰！」
相关阅读：星级大搜查丨艺人爆笑口误大揭秘 宣萱捉奸对白变有味笑话 TVB女星因「交配」论吓到飙汗
Marf不知情下帮人交租半年
亦有受访的艺人分享，自己曾因「摆乌龙」或太易信人而「被骗」。Marf邱彦筒自爆曾为朋友垫支租金却懵然不知：「过咗半年之后，我发现原来我一直都帮人交紧租，但我唔知道，我就觉得有少少被骗嘅感觉。」幸好最后成功收回款项。陈晓华就笑言最常被朋友「呃承诺」，她举例说：「例如我可能有个朋友应承咗我星期日出街嘅，咁我就会以为我哋星期日要全日都会黐埋一齐啦，系咪？点知原来佢expect我哋晏昼出街嘅，咁我𠮶阵就会好伤心 因为我觉得佢特登甩我底啦夜晚，但其实唔系……而家大个女呢，就会发现原来自己都理解能力系有啲问题，有啲嘢要问清楚啰！」
而姚焯菲（Chantel）的受骗经历则最为窝心，她回忆15岁生日时被蒙眼带走，同事、家人与歌迷为她制造生日惊喜：「成件事原来系好有计划，我嘅fans club……非常非常之厉害。但𠮶一次就系被人欺骗咗。」
相关阅读：星级大搜查丨解构明星旅游新趋势！越南势成星级热点？ MC自爆「唔睇预算」 阿Sa封外游最豪爽
刘佩玥王嘉慧险交出个人资料
不少艺人亦曾与骗徒擦身而过，险些破财。刘佩玥曾接获速递催缴费用的诈骗电话，更差点交出个人资料：「去到一个位佢问我身份证喇！突然之间我就『叮』！醒咗。仲有半步就踩入陷阱度。」同样遇上假速递的阮浩棕，收到附有取件码的钓鱼短讯，及曾致电给假的服务热线，幸好察觉不妥即时cut线。王嘉慧则收到几可乱真的假运动品牌Sponsor电邮，心动险些交出个人资料前，向品牌官方IG求证才惊觉是骗局。吴伟豪亦曾收到好友母亲遭骇客入侵的借钱讯息，机警的他即时询问好友识穿骗局，并截图回复骗徒：「我过咗一百万」，以此反击整蛊对方。
相关阅读：星级大搜查｜明星「悭家开冷气大法」逐个睇！ BabyJohn电费从未过千 专家教四招悭电大法
明星家人、好友亦成为骗徒目标
艺人自己识避，但家人朋友却往往成为骗徒目标。江嘉敏在内地工作失联一日，母亲即收到绑架勒索电话，幸好及时联络上才没有汇钱。柯炜林的嫲嫲亦收到冒充他的诈骗电话，幸好嫲嫲够精明亲自打给他求证。梁祖尧则分享，有长辈朋友曾遇上网上情缘骗案，被假冒法国飞机师呃钱。面对AI语音等新型骗案，周家怡透露朋友母亲曾被假女婿骗去数万元保释金，她强烈建议大家与家人设立防骗暗号：「譬如你同你啲屋企人set一个暗号，总之有啲咩借钱，你第一句就叫佢俾暗号你，佢噏得出个暗号先好信啰。」
相关阅读：星级大搜查丨明星患「另类强逼症」？ Anson Lo狂用湿纸巾 ViuTV女神唔着袜瞓唔著
