黄翊喉咙生水囊担心影响唱歌医生劝多做运动放松心情

更新时间：14:26 2021-11-08 HKT
发布时间：15:30 2021-11-08 HKT

黄翊接受许文轩访问。

歌手黄翊日前作客TVB娱乐新闻台节目《StarTalk》，接受主播许文轩（Edmond）专访，大谈即将举行演唱会感受。黄翊指疫情期间每星期举行网上音乐会，他说：「对上𠮶年几，每个星期都好似练唱歌咁，每次请嘉宾上嚟，就好似武侠片吸星大法咁，我学习佢哋嘅技巧，睇住佢哋唱歌，睇住佢哋点样运用自己把声，真系学到唔少嘢！」

最近黄翊因喉咙不适，曾入院治疗，他说：「身体响了警号，之前一直喉咙唔舒服，好干，唱歌唱咗两三首就好攰，把声Keep住差，一路都唔好，维持咗三个月，去睇医生照咗喉咙里面有个水囊，初初好惊，可大可小，最后好彩系良性，医生话我有无形压力导致。依家要放松自己好好休息！做多啲运动。（叫埋儿子一齐做运动？）见到佢成日挂住打机，叫埋佢跑步，初初佢都唔愿意，慢慢习惯咗，佢反而叫返我转头，佢而家系排球队成员，所以佢一得闲就叫埋我去帮佢练波。我觉得系好事，当系亲子乐，过程中大家沟通，问吓佢平时点，返学开唔开心，我哋两父子嘅感情增进不少。」