师傅鬼上身爆喊网民赞好戏 Bob朱智贤吓到呆

更新时间：16:03 2017-08-01 HKT
发布时间：11:58 2017-08-01 HKT

龙哥声线吊高八度讲嘢。

《兄弟帮》主持林盛斌（Bob）、梁烈唯等人拍摄暑假特辑《Big Boys历险记》，与嘉宾主持张惠雅（Regen）、朱智贤、谢东闵等人到访灵异秘境、挑战荒岛求生等等。日前播出的第一集中，一班主持人日光日白寻找城市传闻的西贡结界，不过冇乜料到，都只系有主持人话唔舒服想呕，惊吓度零。

龙哥将亡灵导向往生。

第二Part则噱头多多，请来奇门法科师傅「龙哥」杜庆龙同行，齐齐去交通意外黑点西贡清水湾道进行路祭，将亡灵导向往生。龙哥配合手势加上口诀「乾坤一开，三七气流一转，玄天大帝指令一开，七色令旗开晒佢......」目标系同亡灵对话及超渡。不过网民爆趣指龙哥可以参加内地节目《中国有嘻哈》，freestyle rap无难度，仲有人话「司徒法正都冇佢咁funny」。

朱智贤喺《Big Boys历险记》不时表现到好惊。

戏玉就系龙哥作法期间，突然被幽魂附身，声线吊高八度讲嘢，爆喊多谢工作人员帮忙，又拜又跪地，相当凄厉；身旁的Bob、朱智贤等人都睇到呆、皱晒眉，事后都话惊惊同想喊。龙哥则话亡灵透过佢嘅身体去多谢大家，不过就冇多谢自己。
真真假假，网民唔分办，大家都一致畀个Like龙哥，赞佢系「最佳男主角」：「龙哥啲戏掂，喊戏有眼泪」、「BOB唔叫佢地俾D掌声」、「笑到出晒汗」、「一睇完龙哥就知佢坛数高，有料到」。