陳茂波（中）、商經局局長丘應樺（左二）、張李佳蕙（右二）、Patrick Martell（左一）等嘉賓出席開幕禮。

KellyChu - 陳茂波：港具辦盛事及發展遊艇經濟優勢世界鑑賞家盛典亞博開幕 | Executive日記

更新時間：02:00 2026-11-05 HKT
發佈時間：02:00 2026-11-05 HKT

政府早前預留1億元，吸引大型國際展覽落戶香港。首個獲撥款支持嘅國際旗艦展覽「世界鑑賞家盛典」，昨起一連3日喺亞博館舉行，展出品包括跑車、珠寶、時裝及遊艇等，展示各品牌嘅精湛工藝及藝術創意，預計吸引3000人參加。財政司司長陳茂波喺開幕典禮致辭時強調，香港具備舉辦盛事及發展遊艇經濟嘅優勢。

　　陳茂波表示，會議展覽為香港帶來超過500億元經濟收入，本港作為「超級聯繫人」，具備舉辦大型展覽嘅條件。佢又強調，香港具備發展遊艇經濟的潛力，其港口、海岸線及地理位置，都帶來獨特競爭優勢。

　　機管局行政總裁張李佳蕙就話，目前香港有12500艘註冊船隻，船艇泊位有4000個，展現遊艇出口量大，期望機場附近海灣可在2028年第一期推展；佢又指，機管局嘅「Skytopia」項目，計劃提供500個遊艇泊位；港灣除了設有遊艇碼頭，更有其他資源配合，包括維修入油、娛樂消費及酒店等配套。佢話，今次展覽既為Skytopia提供一個「預覽機會」，相信未來可成為本港旗艦活動之一。

　　Kelly昨日入場參觀，喺亞博館內展區，可欣賞名車、高級珠寶等；而到館外步行2分鐘，即可到達「水岸遊艇展」，現場有6艘不同樣式的遊艇停泊，供公眾欣賞；陳茂波、張李佳蕙及英富曼集團首席營運官兼英富曼會展行政總裁Patrick Martell，昨更登船參觀。

KellyChu