《飄零燕》童星蔡麗貞曾與死亡極接近 高燒至全身爛透走入神秘空間：一個鏡頭向下望唔到手腳
發佈時間：09:00 2026-11-05 HKT
70年代童星歌手蔡麗貞當年憑《飄零燕》爆紅，被譽為「天才歌手」的蔡麗貞除了主持兒童節目《齊齊玩》外，亦有參與電視劇如《狂潮》、《大報復》及電影演出外，同時還灌錄了多張唱片，更主唱過《小飛俠》主題曲《飛來探老友記》及推出兒歌大碟《青蛙仔學跳水》，不過到了1978 年，蔡麗貞因升讀中學，毅然決定淡出娛樂圈，回歸平凡校園生活。
蔡麗貞因嚴重藥物敏感與死亡極為接近
生活低調的蔡麗貞在2010年化名「福頭老師」復出，積極投身福音與音樂事工，並創作兒歌。其中《夏日熱辣辣》一曲在網絡上爆紅，極具洗腦魔性，令她獲得「搖滾歌姬」美譽。雖然人前人後蔡麗貞經常以笑面迎人，不過她曾經因為嚴重的藥物敏感與死亡極為接近，日前蔡麗貞現身陳志雲的YouTube頻道，分享瀕死感受與康復過程。
相關閱讀：70年代《飄零燕》童星蔡麗貞激罕現身 走過死亡蔭谷化身福頭老師散播歡樂 以音樂行善嚮往平凡生活
蔡麗貞在1972年年僅8歲的參加TVB唱歌比賽節目《聲寶之夜》，以一曲《郊道》奪得冠軍，成為該節目年紀最細的冠軍得主，其後在總決賽奪得亞軍，被傳媒譽為「天才歌手」。在訪問上，蔡麗貞的童星生涯雖有恩師蔡和平的百般疼愛，但隨之而來的卻是失去同齡朋友的落寞。當時她因性格真誠，每封歌迷信都熬夜堅持親筆回信，甚至被外界抨擊「扮大人」、「老人精」。蔡媽媽看在眼裡萬分心痛，常溫柔勸導：「呢個世界冇可能每個人都鍾意你，而且我哋都唔需要好叻。」合約期滿後，毫無爭雄好勝之心的蔡麗貞毅然選擇淡出娛樂圈，回歸校園。退隱後，蔡麗貞本過著平淡的教書生活，卻在1989年迎來人生最大轉折。她因感冒藥物相衝突引發嚴重過敏，發燒至104度送院急救。住院14天期間，她全身爛透、頭髮掉光：「燒到好辛苦。頭髮甩喇，一路甩。嗰時都係長頭髮嘅，甩頭髮。跟住燒燒到整個人爛晒。即係口爛、喉嚨爛，皮膚呢都是好似燒過咁。」蔡麗貞更一度短暫失去呼吸。
蔡麗貞對瀕死體驗記憶猶新
談及那段瀕死體驗，蔡麗貞記憶猶新：「佢哋嗰個救我過程，我梗係知，佢哋話返畀我聽。但係一冇咗生命嗰陣，我係短暫覺得自己去咗另外一個空間，好靚、世界上未見過咁靚，嗰時我冇無睇過嗰啲書嘅，完全冇瀕死經歷。嗰度好靚，好多樹葉，但是唔係人間嗰啲樹葉，跟住呢，就有音樂聲，好靚嘅音樂聲。但又唔係人間音樂聲。後來就原來好多十年之後，就有套電影《玩轉極樂園》（Coco），似似哋嗰啲樹葉，不過我嗰個係矇矇矇矇咁樣，一路咁樣咁樣咁樣，有少少橙，好多好多，跟住一望無際，好大呀，跟住音樂聲又是好靚，人間未聽過，形容唔到嘅不得。嗰霎那間好快，我開始諗唔通我死咗？但都未識驚嘅，就係知道掛住媽咪，好掛住。咁點呀？咩都未做過喎，我好唔捨得，我真是不捨得。初初開始係咁樣嘅情，但望下無，即係好似一個鏡頭，見唔到自己手、腳，好清晰，好清晰。跟住就向前，嗰下就驚，好快咁向前，跟住就返番，我最記得就是咁我死咗？我乜嘢都未做過，我死咗，咁我媽咪點呀？我好掛住我媽咪。」蔡麗貞「回來」之後就退燒：「大家都覺得醫學上係有咁嘅例子嘅，醫生都咁話。」
相關閱讀：張新悅大女腦膜炎手術中途心跳停頓瀕死 夫妻同驚見靈魂離體 公開續命關鍵：全靠冤親債主放過
張新悅大女Lucy曾經歷一場生死劫：
蔡麗貞發病的每一日都覺得很辛苦
蔡麗貞當時發病的每一日都覺得很辛苦：「嗰一霎那之前是好辛苦，人人都覺得我會去嘅喇。我媽咪猛求都係無辦法，我自己好辛苦，真係唔識形容點辛苦，上到去嗰個是好清晰，一啲都唔辛苦，係一個啓示，原來係唔想。有時我哋喺人世上，好多時受到人間嘅苦呢，可能會話：『我頂唔順，頂唔順，頂唔順。』」原來將喺嗰時都係掙扎，到自己真係要死，其實都有掙扎。」蔡麗貞哽咽地稱出院依然「全身爛晒得返個頭咁樣」，但她的家姐和姐夫依然落力照顧：「我話我咁醜樣，唔係醜樣咁簡單，係得人驚，係嚇親人嘅，我家姐就話：『一個人嚇親人哋，唔嚇親人，肉酸定唔肉酸，是人教佢嘅啫。BB仔是唔知嘅，佢咁細個。你同佢嘅關係是最緊要。』結果就真係我咁嘅樣，我同我個姨甥仔玩得好開心。」
