《東張》揭患癌者誤信中介赴日再掀風波有苦主睇《健康旦》分享同款療法花百萬病逝涉事片即下架

更新時間：17:45 2026-11-05 HKT
發佈時間：17:45 2026-11-05 HKT

TVB節目《東張西望》在日前播出的一集，報道一名患有初期鼻咽癌的港男張先生，因恐懼常規化療及電療的副作用，誤信本地醫療中介，豪花250萬港元遠赴日本注射所謂的「自體免疫細胞治療針」，最終導致病情在短時間內急劇惡化至第四期危殆，最後因聽從勸告而接受傳統癌症治療，才「執返條命」。

苦主睇《健康旦》分享同款療法花百萬病逝

節目播出後在網上引起網民熱議，這宗醫療風波更牽出另一宗事故，有網民發文表示家人因在鄭丹瑞的健康與養生資訊平台《健康旦》看過節目介紹有關「癌症免疫細胞治療」的訪問後，安排約見《東張西望》報道的中介女士，結果花了逾逾百萬後，家人病情沒有好轉，在健康急轉直下險些無法登機，返港落機後由救護車直入瑪麗醫院離世。相關的影片亦被發現在《健康旦》的YouTube頻道下架。

有網民發文稱睇到鄭丹瑞節目曾抱有希望

港男張先生在《東張西望》的訪問播出後，有網民在Threads發文表示：「其實早在2024，我屋企人已經受騙，係睇到鄭丹瑞呢個節目之後抱有希望，最後暫停香港治療去咗日本呢兩段片所謂嘅醫生，亦被安排見過喺呢段片呢一位女士，途中另外一個就係呢位女士嘅弟弟，不過睇返佢搵另外一個YouTuber拍嘅片診所背景已經唔同咗。」網民續指家人在日本治療期間，中介及日本醫生會因情況而不停加碼打多幹細胞針：「呢啲咁新科技其實普通一個人真係唔係好了解，但係對於癌症病患者其實都係抱有一個希望，最後個情況真係好差好差，因為你淨係不停叫你加碼畀錢，但係佢唔會話畀佢聽已經冇得醫，佢唔係正式嘅醫院喺治療，期間需要自己喺日本搵酒店，然後有需要時候見醫生報治療，然後再返去酒店休息，中間嘅溝通全部都係經日本翻譯。」

網民指屋企人最後更花費逾百萬治療

這網民指屋企人最後更花費逾百萬治療：「最後身體太差，好驚真係上不到飛機返香港，死喺日本，最後落車係直入瑪麗醫院然後過身了。」帖文曝光後引起大批網民熱烈討論，有人狠批：「用人哋嘅健康同希望去呃人更加罪大惡極」、「慘嘅係，啲病人同家屬俾人呃完一筆錢，返嚟搵香港公立醫院執手尾。搞唔到人哋就瘋狂投訴醫院人員，年中都見幾單。」還有斥公眾人物與KOL為了賺錢接商案推廣未獲臨床證實療法等同變相害人：「太多人向絕望的人牟利。」更有人直斥中介良心何在：「講真，如果真係可以醫到癌症，佢駛X搵明星去sell咩，係真嘅大把人排住隊去搵佢啦，不過都明白癌症病人去到一個位係會咩都試，呢班XX就係利用病人呢個弱點去賺錢，好陰質。」。有網民分享防癌協會曾指出該類細胞免疫治療理論與實際臨床效果存在巨大差距，並無充足臨床數據證明具抗癌療效，呼籲大眾切勿盡信網上推廣片段，身體抱恙務必尋求專科醫生專業意見，不要盡信節目介紹或推廣的治療方法，最好就是查詢專科醫生的意見。除了鄭丹瑞《健康旦》的相關影片下架外，另一在日港人夫婦YouTuber「JoyTV」亦有推介過相同的免疫細胞治療，更標榜能治療末期癌症，將復發率降低至20%，甚至係「0」，影片同樣已下架。