璀璨之城結局篇｜監製陳維冠認為民意刪劇情網民戥張曦雯犧牲不值：證明本身無需要除衫

更新時間：15:10 2026-11-05 HKT
發佈時間：15:10 2026-11-05 HKT

TVB台慶劇《璀璨之城》將於明晚（6日）播出大結局，自首播至今，劇情在網上製造了不少話題，隨着故事發展到尾聲，與官家有關的人和事推進至失控邊緣。在昨晚（4日）播出的一集，本來播出張曦雯7分鐘半裸戲，但最後僅剩約2秒的露背及半秒露側乳鏡頭，張智霖冷淡丟下一句「你太瘦，你唔啱我」後便轉身離開，之後鏡頭直接跳到張曦雯隔著浴室玻璃崩潰落淚的畫面，事件在網上網民熱烈討論。

監製陳維冠承認張曦雯7分鐘半裸戲曾刪減

節目播出後，監製陳維冠回覆傳媒承認這場戲曾作出刪減：「因為公司好尊重觀眾嘅聲音同意見，所以作出咗適度嘅調整，就係而家出街嘅版本。」有網民留言戥張曦雯不值，證明本身係無需要除衫：「如果張曦雯真係為咗呢場戲，鼓起勇氣突破自己嘅心理關口去拍攝，但最後播出嘅時候卻冇呈現出嚟，咁佢嘅犧牲又真係有啲可惜。」

張曦雯戲份被刪惹來爭議

張曦雯當日拍攝這場戲曾鬧出極大風波，有指監製陳維冠臨場要求提升性感尺度，令她一度抗拒，劇組更停工三個月修改劇本。其後張曦雯在袁詠儀與江美儀開導下，終克服心理障礙並答應親身上陣，奉獻出入行以來最大膽的性感演出。張曦雯事後澄清，停工主因是角色劇情修改，自己並未被施壓，而是挑戰「一鏡到底」的五頁紙情緒戲難度極高，最終憑藉對團隊的信任完成拍攝，難怪惹來爭議，但有網民留言：「跪求導演剪輯版。」、「係删咗定張曦雯吹大咗吖？做新聞啫。」、「又係都要求女藝人拍，拍完又剪咗？」不過另一場講述張曦雯得悉吳卓羲與高海寧出軌後極度破碎，更搬離官家；但為了保護吳卓羲，張曦雯狠心企圖撞死高海寧，吳卓羲得悉後苦勸自首，反令張曦雯更感心碎，當中難度最高的，絕對是張曦雯在天橋底、向吳卓羲心碎告白一段！為了成為吳卓羲背後的得力女人，張曦雯多年來壞事做盡，最後為了保護老公，仍決定賭上自己人生「殺人救老公」，令網民不禁感嘆：「怎麼愛得這樣傻」。

張曦雯長達4分鐘的獨白戲備受讚賞

在昨晚長達4分鐘的獨白戲中，張曦雯全程流著眼淚盡訴積壓心中多年冤屈，由委屈步向崩潰，但當提及圓夢與吳卓羲結婚並奢望得到老公保護時，張曦雯又分別展露了甜笑及「絕望的笑容」，演技相當有層次。張曦雯先是委屈地大吐苦水：「其實你有冇喺我嘅角度出發過？我係你老婆，我有啲嘢唔可以唔做」、「我認呀，我真係好憎Alice，但我撞佢，係因為佢要脅你，我冇其他方法呀，我唯有令佢消失，我先可以幫到你」、「我喺老公同曾經嘅朋友之間，我一定揀你，我咩都可以畀晒你，我連我個人生都可以攞出去賭成全你，呢個係我唯一可以保護你嘅方法。」即使老公與前度出軌，張曦雯仍不能自控地一切以對方為先：「我以前以為自己好叻，用盡方法嫁咗畀你，為咗保住你嘅地位，我可以為你做任何嘢，但我而家先發現，原來我都不過係個蠢女人，最後唔係為咗啲咩身份同地位，我淨係想我老公冇事」、「就算你要離開我，我都要用我最後嘅方法，去保護埋你最後一次。」聽到吳卓羲叫她自首，張曦雯極心痛仰天絕望一笑：「其實我打電話叫得你嚟，我一早知答案，我太清楚你喇。但我都有一絲奢望，我好想好想你同我講你唔會畀我有事，我真係太傻。」