向海嵐化身挑剔校長 大戰「鴛鴦拖鞋」Brian 《你的保安 李寶安》出動人情牌救收視｜獨家
發佈時間：07:15 2026-11-05 HKT
HOY首部處境喜劇《你的保安李寶安》，由何爵天執導，李尚正、盧頌恩、麥沛東、曾睿智、王耀宏主演，故事圍高級屋苑「臨海峯」保安室內所發生的各種瘋狂與爆笑趣事。開播首集成績亮麗，可惜之後收視回落，之後導演檢討重新剪接之餘，更找來不少星級演員陣容參演，早前《星島頭條》直擊拍攝實況，原來向海嵐及廿四味成員李凱賢（Brian）亦有份演出成為「臨海峯」的住客。
當日拍攝戲中飾演校長的向海嵐與飾演知名美食KOL的Brian在屋苑內休息室內互相針鋒相對，繼而轉到在另一場口於電梯內依然火花四濺。最特別是Brian以花恤衫襯短褲再着對「鴛鴦配色」的拖鞋造型亮相，突顯角色「不修邊幅」的感覺。他笑說：「呢個角色係一個比較懶散、邋遢又粗魯、我行我素，連洗衫都懶，唔理身邊人，同我本人真係好唔似。」
李凱賢靠拼音記中文
演校長的向海嵐則笑謂今次角色對任何事情好挑剔，見到鄰居Brian睇唔順眼就會嗌交。對於跟Brian首次合作，她大讚Brian為人很友善，發現對方不懂睇中文，第一日開工見到他拎住個電話，原來Brian將劇本打晒電話度，全部都寫上拼音。Brian笑言練廣東話對白可以應付，在家中會對住個劇本練習，現今智能電話很方便可以錄音，背熟後明白箇中意思便可。
談到為該劇客串參與演出，向海嵐坦言覺得題材好得意，自己睇過導演何爵天導演的作品，所以好想拍。她說：「今次我哋拍咗兩集！咁我住喺呢度，隨時可以再出現。」Brian認同題材很好，導演表達方法舒服又好玩，又笑言故事圍繞大廈可以推出幾多Season都得。提到他一身造型配襯「鴛鴦配色」拖鞋，問到可有特別修腳甲？他笑說：「完全無修過啦！我仲特登騷腳指。」在旁的向海嵐表示第一次認識Brian，對方在自己心目中就是這個造型，亦知道Brian講粗口好流利。
向海嵐認跟王賢誌有聯絡
至於有指向海嵐的表姨甥王賢誌早前被指欠下「天文數字」巨債申請破產兼避走加拿大，留下爛攤子禍及家人。向海嵐說：「佢嘅私事我就唔多講啦！我都有同佢聯絡，佢都安好嘅，咁我都有同佢屋企人嗰邊聯絡都Ok。我覺得佢哋自己家事就佢哋自己會處理，我覺得如果局外人畀啲空間佢哋，唔好話係朋友聽返嚟，可能有些嘢傳嚟傳去會唔同。」
適逢拍攝日前是向海嵐52歲生日，導演何爵天聯同一班演員突然驚喜送上蛋糕為她補祝生日，令向海嵐感到意外。她說：「佢哋話要睇Playback，就諗住出去睇，但話我唔使，原來係一個Surprise都好開心嘅。生日願望希望身體健康，當然希望呢部劇嘅收視上升、上升、上升同觀眾會鍾意。」
李尚正自嘲「拱照」群星
主演的李尚正和曾睿智對於多位星級演員參演，曾睿智坦言多謝導演何爵天，皆因當初以為跟李尚正演對手戲居多，但突如其來多了女演員如濱崎真緒、向海嵐等，見到她們已經夠開心。當笑指在「群星拱照」下演出。李尚正笑謂：「我哋都盡量去『拱照』群星，作為保安作用係群星來到時要保護佢哋安全。」導演何爵天透露陸續都會請來不同演員參與，今次找Brian同向海嵐演出，因為覺得Brian人氣爆紅，在節目上表現得好搞笑很適合演喜劇。而向海嵐曾為舞台劇演校長角色，所以兩個擺埋一齊幾有趣。談到可會請來導演朋友客串演出，他謂：「已經搵咗啦！呢期好hit，來自彩虹邨嘅導演。」
