黃夏蕙高調追討胡百全千萬遺產 無懼正室子女反對 談被cut生活費辛酸：捱得好慘
發佈時間：11:00 2026-11-02 HKT
現年95歲的黃夏蕙（夏蕙姨）去年底於壽宴上高調宣佈，將會追討已故丈夫胡百全所留下的巨額遺產，預計可獲得逾3,000萬港元。黃夏蕙於18歲時與大她廿多年的律師胡百全相戀，當時對方已有正室及子女。黃夏蕙不顧正室反對，以妾侍身份嫁入胡家，為丈夫誕下六名子女。日前黃夏蕙接受YouTube頻道《橙色大笨象》訪問，大談追討這筆遺產的始末、法律訴訟的心路歷程、以及金錢的用途。她直言不擔心正室子女反對，因為他們大多已經離世，自己只是依法循契約爭取屬於自己的生活費。
黃夏蕙爆胡家設禁制令
胡百全離世後，遺產分配引來風波。黃夏蕙在訪問中透露，當年胡百全病重入院時，正室的子女曾入稟申請禁制令，令她甚至連探病或致電聯絡的機會都被剝奪，更中斷了她原有的生活費，令她生活一度陷入困境。黃夏蕙親自還原當時的心酸情況：「病咗都唔畀我睇呀……偷偷哋見過佢一次，第二日就死咗。因為佢以前晚晚仲可以打到電話，後期連電話都唔畀佢打，因為佢屋企搵晒啲人喺門口守住，喺瑪麗醫院。佢（長房子女）怕佢老竇畀晒啲嘢我，怕佢老竇養我。」黃夏蕙指本來胡百全一直提供生活費給她與六名子女，但後來亦被暫停：「十萬一個月（生活費），但後來斷咗，所以嗰段時間我都捱得好慘。我老公（先夫）有基金留畀六個仔女，攞唔到，到死咗喇，遺囑唔開。」
相關閱讀：95歲黃夏蕙四代同堂家庭照曝光 榮升太婆竟公開求救：點稱呼小朋友 六子女全擁博士學位
黃夏蕙無懼胡百全正室子女
黃夏蕙透露，胡百全離世至今已18年，法庭與律師已將遺產的相關細節調查清楚。對於會否擔心胡百全正室子女的反對，黃夏蕙坦言：「死晒喇，個仔同大女都死咗，仲有個細我唔知佢死咗未，因為佢（胡百全）啲仔女大過我，應該都九十幾歲。」而她爭取的是由胡百全親自簽署及承諾的生活費，直言絕對是名正言順，不容抵賴：「法律查返出嚟，就知我每個月有生活費嘅。」她強調與胡百全是根據大清律例註冊，她是妾侍，子女出世紙亦列明父親是胡百全，認為獲得生活費是名正言順。至於為何之前不打官司，近年才決定追討，她表示：「嗰陣時我冇錢，法援又唔幫我。當時我仲有間屋住緊，法援唔幫，依家係自己私人律師做。」
相關閱讀：95歲黃夏蕙剛做完手術即出席飯局被老友鬧爆？ 網民集體留言勸回家：唔好咁百厭
黃夏蕙計劃用先夫遺產建免費護老院
談到如何運用這筆逾3,000萬港元的遺產，黃夏蕙表示自己早已衣食無憂，因此她承諾會將這筆遲來的資金全數投入慈善基金，用來興建一所免費為有需要長者服務的護老院，以回饋社會，發揮大愛精神：「係唔收錢嘅，我係直情畀嗰啲有需要嘅（長者），畀佢生養死葬。」
相關閱讀：黃夏蕙於公立醫院急症室苦等半天 網民：唔睇私家？ 早前自爆完成繼承胡百全遺產手續
