鄭希怡重提《歡樂滿東華》甩褲意外 伍詠薇為一事狠批曾志偉？ Yumiko：似畀全港人笑緊
發佈時間：16:30 2026-10-29 HKT
現年45歲的鄭希怡（Yumiko）近日作客由伍詠薇（伍姑娘）與李凱賢（Brian）主持的HOY TV節目《九運會客室2》。在節目中，Yumiko罕有地大方重提2006年在TVB的《歡樂滿東華》直播中，因表演空中飛人而不慎被扯甩長褲、於全港觀眾面前「春光乍洩」的震撼事件。事隔多年，她披露了許多鮮為人知的後續細節，包括當晚如何被召回電視台交代，以及好友蔡卓妍（阿Sa）和容祖兒的暖心陪伴。
鄭希怡：腦中一片空白
當年Yumiko為慈善頂硬上挑戰難度極高的空中飛人，與錢嘉樂、黃德斌等人合作。不料在半空交接時發生意外，她不慎被扯下褲子，令她瞬間從高空跌落安全網。回憶起驚心動魄的瞬間，Yumiko直言當時反應不及：「一邊空白，同埋嗰時我個頭喺下面，掉轉咗，我完全唔知發生咩事，但係就覺得有啲嘢發生咗，跟住就跌咗落去下面。佢掹住我隻腳，我應該揈過去捉住其他人，但係當時我知發生咗一啲事，佢放咗手，跟住我跌咗落個網。我唔知點算，我又知直播緊，但係又咁樣樣，我唔係好想起身，我唔知點面對呀當時。」
相關閱讀：鄭希怡笑談阿Sa蔡卓妍「家暴」留言：搞笑啫 爆梁浸浸將升中學有少女心事：試探過有人喜歡
伍詠薇為鄭希怡抱不平
意外發生後，現場主持曾志偉一度開口問「有冇得慢鏡睇多次」，伍詠薇在節目中亦忍不住為Yumiko抱不平，痛斥這些言論根本是「Bullshit」，認為對一個年輕女孩子來說是極大的尷尬。Yumiko坦言當時情緒當場崩潰：「我唔知點算呀，好亂呀，淨係識得喊，當時。當時有喊，直接喊，仲要一見到公司啲同事就即刻喊，我話我要返屋企，我淨係知道我想返屋企。但係夜晚公司再叫咗我出去講幾句，交代返件事。」 證實了在經歷如此巨大的心理創傷後，當晚仍被要求折返電視台向媒體交代事件。
鄭希怡被狗仔隊苦纏
事件發生後，Yumiko坦言深陷情緒低谷，甚至不敢出門，幸得身邊好友伸出援手。她特別點名感謝閨蜜容祖兒及蔡卓妍（阿Sa）的貼心舉動：「我其實……我有唔開心，我唔敢出街嗰排，樓下好多狗仔隊。阿Sa、祖兒佢哋有嚟我屋企，其實佢哋咩都冇講，淨係陪我敷貼mask，陪我嘅啫，身邊有人陪呢個好緊要！冇傾過任何關於這件事嘅嘢，但係我自己覺得真係爭好遠。」
相關閱讀：45歲鄭希怡突然抱B報喜：屋企多咗個新成員 惹生二胎疑雲？ 引大批網民留言恭喜
鄭希怡跟風挑戰內地爆紅「閃身步」？
鄭希怡：覺得畀全港人笑
雖然有好友支持，但意外仍在她心中留下了長達數月的陰影。Yumiko透露，那段時間只要出街，就會對旁人的目光感到異常敏感：「同埋我嗰排……唔知呢自己可能唔識諗，以前出街見到大家望住你Smile，你覺得打招呼，好Nice；嗰排之後我再出街有時見到其他人，你再同樣嘅表情，我會覺得係咪笑緊我。」
鄭希怡覺冇做錯事擺脫陰霾
慶幸的是，這份心理陰影並未糾纏她太久。性格堅毅的Yumiko在幾個月後逐漸想通，主動選擇與自己和解，並成功走出了這段陰霾。她釋懷地表示：「我同自己講，我冇做錯，我做緊善事㗎喎，我籌到錢又幫到人，呢個係一個意外， That's all，我冇怪誰。我冇怪過任何人，亦都唔應該怪自己，我覺得我冇做錯就得！」 如今的Yumiko已為人母，並將工作重心轉移，回看當年的「黑色幽默」，這份堅強與豁達令人由衷敬佩。
