「二公主」沈芝華豁達看淡生死：做人最緊要對自己好 80歲零老花公開兩招平民保養法
發佈時間：10:00 2026-09-19 HKT
60年代影壇盛行結拜風潮。由7位童星出道、因戲結緣的當紅女星，包括馮素波、沈芝華、陳寶珠、蕭芳芳、薛家燕、王愛明及馮寶寶組成的「七公主」，風靡了不少影迷。她們在1964年舉行結拜儀式，之後一起合拍電影，義結金蘭超過半世紀。一直定居美國的「二公主」沈芝華，偶爾會返港與老友相聚，最近她罕有地接受了資深傳媒人汪曼玲YouTube頻道《快拍‧曼鏡頭》的訪問。
沈芝華隨時為慈善重出江湖做大戲
現年80歲的沈芝華在1973年拍畢電影《頂天立地》後息影，是「七公主」當中最早淡出娛樂圈的一人。不過，沈芝華的星味未有因此而減退，她留著一頭俐落短髮，面色紅潤、精神奕奕，舉手投足間盡顯雍容華貴。今次沈芝華在節目上公開了堅守足足70年的「平民凍齡秘方」；本身有京劇底子的她更揚言，只要給她時間操練，隨時可以為慈善重出江湖演大戲！
相關閱讀：80歲「二公主」沈芝華驚爆腰椎重傷 換床單出事「軟骨脫開」臥床數月 舉步維艱如螞蟻爬
沈芝華1973年息影 曾赴歐美發展
「二公主」沈芝華的演藝生涯並不算長。1973年息影後，她曾遠赴歐美發展，從事電影買手及發行工作，並成功賺取人生第一桶金。她早年與國語片小生金川結婚並育有一子，離婚後再度成家，目前長期定居美國，偶爾回港探親及與好姊妹聚會。踏入杖朝之年的沈芝華，強調心態決定一切。她直言對生死看得很開：「做人乜都要對自己好，我三妹講得好啱，自己唔好對唔住自己，要對自己好。唔使話驚啲仔冇得食、驚女冇呀，乜都假，要對自己好。呢個世界只要自己對自己好。」
沈芝華亦坦言豁達面對生死：「我好灑脫嘅，唔諗咁多嘢，幾時死都唔知。今日瞓醒又多一日，有錢就使，冇錢就睇住啲錢點使。一定要開心，唔好去唔開心嘅地方。唔開心嘅地方，你會有病㗎，會生病嘅。所以我身體咁好呢，就係咁解。我唔諗唔開心嘅嘢㗎，根本都唔記得。我對人好過，我唔諗你嚟對我好，唔諗㗎。我今日可以付出，就付出啲，就係咁。」活得輕鬆的沈芝華保養得宜，外貌比實際年齡看起來還要年輕。活到80歲依然「零老花、零近視」，連美國政府免費提供的眼鏡都未戴過，戴上反而會頭暈。
沈芝華大方分享兩招「平民保養大法」
沈芝華大方分享了從前輩譚玉蘭身上學到的兩招「平民保養大法」。她笑說：「我眼睫毛都唔識黐㗎，可能細個練功對身體會好。好細個見到譚玉蘭Auntie攞熱毛巾敷眼，佢話：『醫生教㗎，保護眼睛。』我由嗰陣開始，我十幾歲就喺師父嗰度開始啦，朝早洗面，用我嘅溫度擘大眼敷一陣間，擘大眼敷一陣間，我就咁整幾十年。真係有用嘅，因為嗰啲蒸氣，我都有教我哋啲公主㗎。」
沈芝華又會用蛋白敷面，洗臉後皮膚緊繃舒服：「我乜嘢都幾好，就係牙唔係咁好，鍾意食糖，植咗四隻牙，整幾次啦。你幫人又好，畀人食嘢又好，唔好慳。一定要畀啲舒服，我就係咁嘅人。」當被問到會否復出時，沈芝華即時戲癮大發，霸氣表示只要有大型籌款活動，她絕對願意出山：「畀三個月我，我仲做到一字馬！畀半年我返上海練功，做大戲、短打絕對冇問題！」
相關閱讀：沈芝華80歲大壽 陳寶珠到賀「七公主」三人再聚頭 多位殿堂級明星現身世紀同框
