謝東閔否認追陳庭欣爆有生意合作：請客好正常

更新時間：03:00 2026-09-17 HKT
發佈時間：03:00 2026-09-17 HKT

謝東閔昨日出席青年營啟動禮，提到近日與陳庭欣傳緋聞，他承認為對方的生日飯局埋單，但笑言也請好多女生吃飯，認為當日在場多女生，由他請客好正常。問到是否欠庭欣好多餐飯？謝東閔笑說：「我等佢欠我！」至於為對方的生日飯埋單，是否想追她？謝東閔笑言：「如果我請一個女仔食飯就想追佢，我一年都請幾十個女仔食飯！」是否經常請人食飯？他則指有時女仔都會請食飯，但自己不會講。
謝東閔亦承認會跟庭欣有生意合作，可能近期較多見面。追問有無機會擦出愛火花？他則謂：「識咗咁多年，要追就追咗啦！」單身的他表示現階段是事業搏殺期，離開TVB後比之前更忙，感情事沒時間多想。問到傳緋聞後跟庭欣見面會否尷尬？他笑指自己不知醜：「唔會嘅！識咗咁多年都係咁樣。」至於遇到合適對象會否展開追求？他指感情事好難講，有機會可能明日就遇到、又或者一生都遇不到，並拋出天王黎明的金句：「同撞鬼一樣講求緣份！」