28歲文員月入19K住劏房零儲蓄！遇兩大危機焗借8萬掀獨居門檻爭議：無呢個數唔好搬出去？｜Juicy叮
發佈時間：12:00 2026-11-03 HKT
一名28歲、月入近兩萬元的文員在Threads大呻自己獨居劏房淪為「月光族」，更因屋企老人家入院及工作生財工具同時損壞而陷入財困，最終決定借貸8萬元周轉，帖文在網上掀起了關於年輕人搬出獨居門檻的激烈討論。
慘遇「黑到貼地」的一個月 月光族文員借8萬應急
該名28歲事主在帖文中透露，自己「喺九龍灣一間細細哋嘅公司做文員，出糧就係$19,800」，雖然老闆準時出糧，但他慨嘆「呢個人工喺香港真係唔算乜嘢」。事主指自己獨自租住月租6,500元的劏房，「再加埋水電煤、車錢、日日買飯盒同零碎雜費，每個月出糧無幾耐就清袋，真正係『月光族』，一文積蓄都儲唔到。」
屋漏偏逢連夜雨，事主形容自己今個月「黑到貼地」，先是家中長輩身體不適需要入院做檢查，緊接著自己「部用咗成五年嘅手提電腦同手機又一齊死機」。由於電腦和手機是上班必需品，「冇咗即刻做唔到嘢」，面對醫藥費與換機費用「幾筆錢堆埋一齊，我戶口嗰少少現金完全頂唔住」。
事主表示，自己工作數年來「冇欠過卡數、信貸紀錄乾乾淨淨」，但身邊親朋好友同為打工仔，難以開口借大錢，自己亦不想拖欠醫藥費或因缺乏電腦影響工作。最終他衡量過後，「打算去借返8萬蚊攞返嚟周轉，啱啱夠換返一啲電腦電話，同埋仲可以留返未來3個月少少嘅生活費作為緩衝」。事主目前已辦理分期還款，認為扣除日常開支後並無其他特別花費，有信心只要準時還款便能盡快還清債務。
網民代計數質疑開支 掀「搬出嚟住」門檻罵戰
帖文引來大批網民留言，意見兩極，不少網民針對事主的收入與儲蓄習慣提出質疑，有網民直言「28(歲)，19800(元月薪)，叫唔算乜野.....呢個數直頭就窮」，但亦有網民認為以中小型企業而言，「細公司有2萬人工算好高，一般都只係14-16K，就算自己住點都要儲下錢」，指出「差不多2萬人工無點儲錢窄咗少少，同埋28歲唔係啱啱畢業，嚟緊要儲返多少少啦」。
有網民更替事主「計數」，列出詳細開支表：以19,800元月薪扣除租金6,500元、水電煤1,000元、扣除政府回贈後的九巴月票車費650元、每日200元伙食費（共6,000元）、電話寬頻300元及日用品500元後，反問「仲有$4850喎」，亦有網民認為事主在伙食方面開支太大，「19800，食飯果度太多了」。
此外，「應否搬出來獨居」亦成為討論焦點，有網民狠批事主在不夠經濟能力下堅持獨居是自討苦吃，留言指「如果我搵19,800就唔會自己搬出嚟住啦」、「咁無條件下你都要搬出黎住冇計嫁wo」，甚至有網民誇張表示「無5皮野都唔好搬出去住」，感嘆「真係同父母住，先儲到錢」。不過，有網民亦替事主抱不平，明白「確實屋租一俾，人工直頭冇咗一半」，而且每個家庭背景不同，「同父母住 不用交租 ，父母都會要水電煤伙食...，問題你現在搬出去住 有冇比家用或比幾多，除非父母財政寬闊，否則一樣計錢，有D家庭生活環境、相處，真是不適合長住。」
借8萬周轉惹爭議 過來人獻計解困
對於事主決定借貸8萬元的舉動，部分網民感到不解，質疑「8萬蚊點計出嚟？點解唔用月結單分期？」，亦有網民質疑長輩的醫療開支為何全由事主承擔：「28歲，父母最多咪50幾60幾歲，2個都無做野？退咗休？零儲蓄？醫藥費唔可以自己比？你已經月光族，唔好再借錢。」
與此同時，不少熱心網民及「過來人」紛紛提出實際建議與鼓勵，有網民建議事主放工後兼職開源，或利用銀行免息分期組合周轉；更有網民分享自身經歷，指出「去公立醫院檢查，老人家可以申請醫療豁免，搵醫務社工」，並以自己6年前27歲月入22K、租住6,900元劏房仍能堅持「每月3份1租，3份1用，3份1儲」儲下首期的經歷勉勵事主，「快啲搵醫務社工睇下點搞」。評論區亦有不少暖心留言，感嘆「宜家喺香港生活有邊個唔爭人錢？」，勉勵事主「捱住先，明天太陽會出來，頂住」、「每個人困難總會有...只要有心一定可以渡過難關！支持你」。
來源：Threads
延伸閱讀：劏房租客變業主 死慳死抵儲$150萬買$400萬樓 月入$3萬打工仔遭朋友嘲接火棒
