跨國尋失物奇蹟！港人遺失AirPods 3年「流落」加拿大 網民吹雞1招起底上門：香港人團結起嚟真係大癲
發佈時間：11:36 2026-11-05 HKT
現代人的生活幾乎離不開無線藍牙耳機，但如果不小心遺失了，你還指望能找回來嗎？近日網上瘋傳一宗超熱血的「跨國尋物奇蹟」！一名香港網民 3 年前在鑽石山荷里活廣場不慎遺失了 AirPods Pro，眼睜睜看著耳機定位由新蒲崗「飛往」加拿大。
事隔 3 年，事主在社交平台發文訴苦，豈料這句無心插柳的戲言，竟驚動一眾身在當地的熱心香港人「吹雞」上門拍門，最終僅用 11 小時就成功奪回失物！網民看畢整個過程紛紛驚呼：「香港人團結起嚟既行動力真係無人能及！」
港人遺失 AirPods「看著它去加拿大」 3年執念一張定位相引爆熱話
有網民昨日在 Threads 上發文，感嘆時間飛逝：「咁就 3 年啦，如果俾我去到加拿大我會搵返你出嚟」、「當年係荷里活廣場唔見咗，然後一直睇住佢由新蒲崗出發去加拿大。」事主隨帖文附上了一張 Apple「尋找」（Find My）功能的截圖，畫面清晰顯示其 AirPods Pro 目前正身處加拿大一個極度詳細的住宅地址。
本以為這只是一番宣洩遺憾的玩笑，怎料「Threads 友」的熱心程度遠超想像。發文一出，隨即引起排山倒海的關注。多位剛好身處加拿大的港人更一呼百應，紛紛自告奮勇表示要上門幫忙尋物：「多倫多本地時間 21:00 去拍門，有興趣呢度報名」、「我朋友好似住呢區，可以幫你拍門」、「我做 crew（空姐/空少），嚟緊飛 Toronto（多倫多），要唔要幫你帶返黎香港？」
加國港人強勢敲門！ 1招成功尋回耳機
就在帖文發出短短數小時後，有熱心網民更新動態，貼出一張外國住宅的相片寫道：「啱啱兩個老人家話唔係佢哋喎。」隨後另一位網民接力，貼出一張關鍵相片，相中的耳機盒上赫然刻有事主的名字，他緊張問道：「係咪呢個？」事主一見，激動得連連回覆：「Yes yes！（是的是的）好癲呀師兄！」
該名成功尋回耳機的「英雄」事後分享了尋物細節。原來，第一位上門的港人其實已經問過住戶，但對方當時「扮傻」聲稱「幫佢唔到」。第二位網民隨即直接進攻，他透露：「行去門口撳鐘仔，之後 show（展示）埋失蹤幅圖（Find My 定位截圖）俾佢睇。」
面對關鍵的鐵證，住戶自知無路可退，便「死撐」耳機是在二手舖買入。網民隨即反問對方「二手舖有無開單」，對方答不出來，最終交出耳機，並稱可「拎返俾物主。」尋物功臣笑言：「我諗佢自己都知出事，而家成村人（附近街坊）都知佢買咗個二手嘢（失物）。」
11小時極速破案 網民大讚：香港人癲起上嚟自己都驚
這場峰迴路轉的跨國尋物記，在短短 11 個小時內完美落幕，事主感動得大讚：「真事！重點係大家都好幫得手，唉，真係好似搵返自己失散咗嘅仔女咁樣！」
網民對於港人的超強團結精神紛紛頂禮膜拜，「出 Po 11 小時拎得返 3 年前被偷嘅物品！香港人係咪有病㗎（太厲害）！咁有愛！」、「香港人真係好有效率，11 個鐘就搵得返！」、「聚晒一班香港人拍佢門叫佢攞返個 AirPods 出嚟，對方都幾驚下」、「呢個勇敢事蹟要寫落 CV（履歷表）！」
網民質疑：點解3年仲可連接？ 科技達人出面解謎
不過，也有部分網民質疑事件的真實性，疑惑「耳機不見了 3 年，為什麼還能連接並定位？」對此，不少熱心網民及科技達人紛紛留言理性分析。網民估計，該對老人家可能根本不熟悉 Apple 功能：「老人家應該唔知 AirPods 有得 show location（顯示定位），淨係識 connect（連接）嚟用足兩年，以為執到寶。」
更有達人指出，Apple 產品只能由原 Owner（物主）解鎖，如果不經原物主解鎖，AirPods 是無法被其他人 Reset（重設）的，只要沒有 Reset，耳機就會一直經由附近的 Apple 裝置藍牙網絡發射定位訊號，這正是「尋找」功能強大之處。這場跨國尋物記，不僅展示了現代科技的威力，更證實了「香港人，無論去到邊都係咁團結同有愛。」
圖片及資料來源：karifier@Threads
同場加映：交通工具大大聲播片？港人不滿「噪音長者」滋擾求阻止方法 網民建議狠招解決「以魔法治魔法」
