吳綺莉指成龍從未養女 揭親子鑑定真相 避與卓林談生父：呢啲係大人嘅事 母女關係已昇華

吳綺莉（Elaine）曾因與成龍感情事鬧得滿城風雨，更一度被外界貼上「第三者」的標籤。日前她作客 HOY TV 節目《九運會客室2》，與主持伍詠薇、Brian李凱賢暢談母女關係與未婚產女的往事。當被問及是否一直都保有「戀愛腦」的性格時，吳綺莉豁達地笑言自己已經不再是當年的她，對於感情的看法有了180度轉變，直言：「而家我唔會啦。而家我絕緣體嚟。」

吳綺莉否認被要求做親子鑑定

早前網上流傳不少關於吳綺莉私生活混亂、甚至傳出她被要求為女兒做親子鑑定的不實指控。吳綺莉在節目中罕有地大方回應，直斥有網民刻意造謠「博流量」，觸碰了她的底線：「即係我我好唔鍾意俾人屈囉。係我就係㗎，唔係就唔係……唔知邊個啦，即係啲網無張相嘅，啲名好奇怪嘅，出嚟講『話我私生活好混亂』。」吳綺莉表示從來沒有人要求她做親子鑑定：「第一，無人叫過我做呢樣嘢啦！第二，我真係唔係（私生活混亂）囉！」她指，當初對謠言不予理會，卻演變成越來越多造謠影片。為了維護聲譽，她決定將所有事情直接交給內地律師處理，不願多作無謂的口舌之爭。而當伍詠薇追問，有指女兒的父親曾要求她不要這個孩子時，吳綺莉則堅決地為保護女兒而拒絕回答：「呢個我覺得過咗去，我就唔回答啦，因為我唔想影響我小朋友。」

相關閱讀：吳綺莉白髮盡現中秋孤苦伶仃 獨自落寞進餐女兒和好願望落空？ 網民提成龍出現一反應

從未收過撫養費  吳綺莉靠自己拒絕寄望他人

多年來，女兒吳卓林（小龍女）因生父是國際巨星成龍受到不少關注，亦有不少關於撫養費的傳聞。對此，伍詠薇單刀直入問及卓林爸爸在曾否有過經濟上的支援？吳綺莉表示：「冇喎，從來都冇喎！」並大方分享自己一貫以來凡事靠自己、不求人的堅毅心態：「我唔會坐喺度諗『邊個會幫我』，我會諗自己點樣幫自己。」伍詠薇問道：「你有冇諗過，其實佢父親都有責任要處理呢件事呢？」吳綺莉直言從未想過，「我由細到大自己一個，真係自己長大。學好學壞都係靠我自己，所以我喺呢方面我就比較獨立一啲。」她認為沒有期望就沒有失望，因此寧願靠自己。

相關閱讀：吳綺莉直播談跟女兒卓林最新關係 感觸淚灑人前：我冇後悔生佢 曾患抑鬱症暈眩欲入院

吳綺莉從不跟卓林談及生父成龍

儘管大眾都知道卓林生父的身分，但原來在卓林的成長過程中，吳綺莉從來不曾與她提起爸爸。她透露自己主動避談，全因自己5歲時深受家庭關係所帶來的童年陰影影響。當年長輩在飯桌上的刻薄言論，令她至今仍深感痛楚：「我唔會去傾呢樣嘢。佢（卓林）冇主動同我傾，佢好醒目嘅。我自己嘅經歷其實，我覺得……講得經歷其實都唔係好嘢。所以我唔鍾意去講……無論邊個人拍拖都好，一隻手拍唔響，所有嘢都唔會一個人錯晒，唔會一個人啱晒。因為我自己細個就係試過，呢個係我自己童年陰影嚟嘅。即係全枱人一齊食飯，嗰時我爸爸媽媽已經離咗婚。嗰班姨姨話『哎呀，你真係陰功啦，同你老公離咗婚生個女，同你老公一模一樣，日日望住佢，真係陰功啊你』。我真係想比晒中指佢哋。」
正因為自己承受過這種非議與大人的恩怨，吳綺莉在育女時極力保護卓林，不願將大人的對錯加諸在女兒身上：「所以我係唔會評論。因為我覺得我自己感受過。我唔想發生喺我自己的細路身上。啱與唔啱都好，呢啲係大人嘅事，關個細路咩事？唔好搞到個細路。今時今日，50幾歲我都仲記住呢件事，所以我係唔會喺我個女面前講任何任何嘢，因為我覺得……一負面，就唔好講，掉開佢。」

相關閱讀：吳綺莉罕談成龍拒認吳卓林內幕？首揭從未被要求為女兒做親子鑒定  認為分手後骨肉與舊愛無關

吳綺莉回憶上海育女心路歷程

回想起卓林約兩歲時，吳綺莉毅然帶着女兒離開香港，前往自己的出生地上海生活。她坦言，在未有女兒前自己十分任性，但女兒的出生徹底改變了她。吳綺莉剖白，因為自己從小缺乏健全家庭的陪伴，寄宿及漂泊的童年讓她對「家」有着極深的執念，因此她堅持在卓林童年時給予滿滿的陪伴，甚至為此犧牲演藝事業，而她亦樂在其中。

母女關係大改善 讚卓林自立「關係已昇華」

提及與女兒吳卓林目前的關係，吳綺莉坦言兩人的相處模式已經有大轉變，現時互動十分舒服，形容母女關係已經到了另一個境界：「我哋嘅關係係……而家係昇華咗。因為經歷好多……因為我自己係娛樂圈中人啦，其實好多媽媽同細路都會有呢個經歷。爸爸同媽媽唔同嘅，我同我朋友話，我自己諗吓就係：『一個更年期，遇著一個反叛期，撞埋一齊，點搞呢單嘢』哇，真係爆炸。」

相關閱讀：吳卓林與同性妻子貌合神離加國行超市 網民質疑遭Andi控制：感覺好可憐

卓林於國外生活 不再靠母親金錢支援

雖然二人曾有過激烈碰撞，但現時卓林在國外生活，學會了完全獨立。這兩年吳綺莉沒有給女兒任何經濟援助，而卓林亦憑自己雙手生活，令她感到十分自豪，讚賞女兒好堅強：「而家（母女關係）會似好朋友囉……呢兩年我都無俾任何錢佢，佢都無靠任何人，自己生活，自己養埋自己屋企，即係全部佢自己一個……佢養埋人哋（另一半），佢可以自己返工，我朋友都話佢好勁，佢無揸車，落晒雪佢都可以朝朝返工。佢可以自己所有嘢，自己做晒。」在相處上，吳綺莉表示自己學懂了「適可而止」和「點到即止」，不再像以前一樣嘮叨，給予彼此充足的空間，母女相處得好舒服。

相關閱讀：吳綺莉爆阿女打工養女友 卓林剖白：從小在負面封閉環境長大

尊重女兒擇偶  吳綺莉：最緊要是人品良心

女兒吳卓林早年宣布出櫃並與外籍同性伴侶 Andi 在海外結婚，由於二人被指沒有預先通知吳綺莉，事件曾引起軒然大波。被問到如何看待女兒的同性婚姻以及對「新抱」Andi 的看法時，吳綺莉表示比起性別與外貌，她更看重一個人的良心與人品：「我唔會問太多囉。我覺得人品緊要過所有嘢。即係一個人有無良心，個人品好唔好，係比嗰個人外表、有冇錢緊要好多。」對於新抱，吳綺莉坦言不會多作評論，現時對兩人的感情抱持著「自由發展」與尊重的態度。她認為每個人都要經歷過才能成長，但作為母親，她的家門永遠為女兒打開。

相關閱讀：吳綺莉與女兒關係未修好 身兼8職養家轉行賣保險兼地盤裝修