肥媽句句有骨寸梅啟明入院：祝佢長命百歲 指姪仔幫梅媽火化是最好安排 自己生瘤未走得住
發佈時間：16:32 2026-09-21 HKT
《星島頭條》日前獨家報道，已故樂壇天后梅艷芳母親「梅媽」覃美金的喪禮，已秘密舉行兼火化。隨後《東周刊》獨家報道，指梅啟明因激動過度血壓急飆，出現呼吸困難，而需急召救護車送院。
肥媽祝梅啟明長命百歲
曾被梅啟明叫「收皮」的肥媽今日（21日）出席節目《美食強人》錄影時，對於梅媽已舉行喪禮並火化，肥媽就認為這是最好的結果：「佢（梅啟明）又話要攞幾多錢同佢風光大葬？其實人最緊要平平安安，無是冇非咁行啦，係咪？」肥媽又謂看到新聞梅啟明大聲叫及入醫院，不知對方是因為太激動，肥媽即時反問「傷心過度？」提到因為沒人通知梅啟明為梅媽舉行喪禮，肥媽說：「冇所謂啦，最緊要係唔喺度嘅人安樂啦，佢（梅啟明）身體健康，祝佢長命百歲，佢阿媽都超過一百歲，人都係望人好，希望佢身體健康、長命百歲！最緊要大家安樂。」
相關閱讀：梅啟明因梅媽火化激到入院 血壓飆高呼吸困難 上擔架胡言亂語：阿媽畀魔鬼燒
肥媽中秋後約李家鼎
肥媽指現在最開心是李家鼎找回施明的骨灰，問到是否有約鼎爺食飯，肥媽謂過完八月十五就會約對方：「見吓啦，而家佢好好多、肥返啲肯食嘢，嗰時我幾勞氣，佢瘦到得返層皮，隻手又震，你唔驚咩？而家好好多，起碼細仔理佢，人老咗都係有個親人喺側邊好嘅。」
相關閱讀：梅啟明堅稱冇吼實梅艷芳身家：一分錢都唔要 澄清唔貪錢打官司只為正義 一原因唔肯返長工
另外，肥媽肺部有良性腫瘤，她指看完中西醫後，現在需要戒口，又指跳舞後輕了7磅多，人也變得健康，就連孫兒也打給自己表示有跟著她的影片一起跳，又笑言很多朋友得悉她有腫瘤後，即相約食飯。
肥媽生腫瘤想法轉變
肥媽表示：「好耐冇見嘅朋友都打嚟約我食飯，我話我未走住㗎，有粒嘢咋，冇講到呢件嘢嘅時候，大家都覺得第日啦，而家就係邊個打俾我，真係得我即刻約，我嗰日睇夏雨同好多人嘅訪問都係，呢排呢個走嗰個走，而家健康有得食就食。」
相關閱讀：梅啟明記者會丨怒轟肥媽收錢抹黑 反駁「騙基金」指控吹得就吹：有證據先好講
梅啟明因梅媽火化激到入院？
